Asesoría para
a transformación
das nosas vidas,
traballos e territorios.

ACCIÓN


Ekintzakoop é un dispositivo orientado á acción, que ten como obxectivo acompañar a proxectos e ecosistemas territoriais tendo como base a Economía Social Transformadora.

— Servizos

Estratexias para a transformación da socio economía local


Traballamos no fomento de ecosistemas cooperativos e de suxeitos colectivos e transformadores locais, facilitando as estratexias público-comunitario-cooperativas . Entre estas estratexias, destacan as Herri Kooperatibak (cooperativas populares).

Fomento do cooperativismo

Axudamos a crear programas de emprendemento cooperativo e de acompañamento. Ademais, facilitamos tanto a consolidación de proxectos, como a substitución e a transformación cooperativa de empresas. Para iso, utilizamos entre outras a metodoloxía KoopFabrika.

Xestión avanzada de proxectos

Calquera proxecto enfróntase a diferentes retos ao longo da súa traxectoria. Ekintzakoop ofrece asesoramento para a súa xestión avanzada nestes ámbitos: xurídico e legal; viabilidade económica e financiamento; intercooperación e escalabilidade; comunicación e dixitalización.

Coñecemento, sistematización e investigación


A acción xera novos coñecementos e, ao mesmo tempo, estes novos coñecementos empúxannos á acción. Traballamos este ámbito de diferentes formas: formación e sensibilización sobre cultura cooperativa; plans estratéxicos; e diagnósticos territoriais e sectoriais.

Como e en que traballamos

En todos os proxectos nos que traballamos dámoslle unha gran importancia ao proceso, que abarca as seguintes fases:

  • Análise
  • Folla de roteiro estratéxico
  • Intervención directa e personalizada
  • Investigación emprendedora baseada na práctica.

Existen retos diversos na nosa sociedade, en todos os ámbitos das soberanías. A nosa achega céntrase principalmente nos seguintes ámbitos:

  • Coidados e cooperativas para todas as persoas
  • Tecnoloxía e dixitalización
  • Alimentación
  • Comunicación
  • Comunidades enerxéticas
  • Comercio e hostalería

Emancipación Confianza Futuros desexables Soberanías Redes Antiracismo Aprendendo e educando Vidas Partindo de cada pobo Traballo Territorio Persoas Cooperativismo Comunidades Economía feminista Intercooperación Acompañamento Procesos Tempos vivibles Coidado mutuo Pensamento crítico

Traballo Territorio Persoas Cooperativismo Comunidades Economía feminista Intercooperación Acompañamento Procesos Tempos vivibles Coidado mutuo Pensamento crítico Emancipación Confianza Futuros desexables Soberanías Redes Antiracismo Aprendendo e educando Vidas Partindo de cada pobo

Economía feminista Intercooperación Acompañamento Procesos Tempos vivibles Coidado mutuo Pensamento crítico Emancipación Confianza Futuros desexables Soberanías Redes Antiracismo Aprendendo e educando Vidas Partindo de cada pobo Traballo Territorio Persoas Cooperativismo Comunidades

COOP


Ekintzakoop é unha cooperativa de segundo grao formada actualmente por tres cooperativas: Lakari, Talaios e TaPuntu.

Lakari Kooperatiba Elkarte Txikia


Trátase dunha cooperativa formada por 6 mulleres, situada en Zarautz, creada en 2015, co obxectivo de promover unha alimentación saudable e un modelo de consumo sostible. Conta cunha tenda e unha cociña e, alén de ofrecer pratos para o día a día, ofrece servizos de cátering personalizados para eventos e realiza cestas de agasallo. É unha das cooperativas fundadoras de Olatukoop. Pero Lakari é máis que unha tenda; tamén participa no asesoramento de proxectos relacionados coa soberanía alimentaria, e participa tanto no grupo Errigora da súa localidade como na asociación Biolur.

Talaios Kooperatiba

Trátase dunha cooperativa situada en Orereta-Errenteria, fundada en 2012, composta por 8 persoas, que desenvolve redes, partindo desde lóxicas de empoderamento colectivo. Especialízase en consultoría de proxectos cooperativos, desenvolvemento baseado en tecnoloxías libres (software e hardware) e formación. É unha das cooperativas fundadoras de Olatukoop. Alén da formación e o asesoramento en tecnoloxías de comunicación, dedícase ao desenvolvemento baseado en ferramentas de software libre. Desde 2024 participan na xestión do proxecto Torrekua de Errenteria a través da asociación TEKS, impulsando a soberanía tecnolóxica.

Tapuntu Kooperatiba Elkarte Txikia

Trátase dunha cooperativa situada en Usurbil, constituída no ano 2015 e composta por 7 persoas. A súa principal actividade é acompañar desde unha perspectiva comunicativa e estratéxica a empresas, institucións e asociacións. Ademais, dedícase ao acompañamento estratéxico e formación de proxectos e procesos. A súa oferta divídese en tres liñas: comunicación estratéxica, formación e intercooperación. Participa activamente en Olatukoop desde 2016. Así mesmo, é un dos fundadores de Beterri Saretuz, asociación que ten como obxectivo impulsar a Economía Social Transformadora na comarca de Beterri-Buruntza, e de Markalariak, asociación de axencias de comunicación que traballan en eúscaro.

Mautic Tags