Conselh entà la
transformacion
de las nostas vitas,
activitats e territòris.
ACCION
Ekintzakoop qu’ei un dispositiu orientat cap tà l’accion, qui a per objectiu d’acompanhar projèctes e ecosistèmas territoriaus sus la basa de l’economia sociau transformadora.
— Servicis
Estrategias entà la transformacion de la socio-economia locau
Que tribalham tà promòver ecosistèmas cooperatius e subjèctes collectius e transformadors locaus, en facilitant las estrategias public-comunautat-cooperativas. Au demiei d’aqueras estrategias, que podem citar las Herri Kooperatibak (cooperativas popularas).
Promocion deu cooperativisme
Qu’ajudam a crear programas d’emprenedoria cooperativa
e d’acompanhament. En mei, que facilitam au còp la consolidacion deus projèctes, la transmission e la transformacion cooperativa de las enterpresas. Tà ac har, qu’utilizam, enter d’autas, la metodologia KoopFabrika.
Gestion de projècte avançada
Tot projècte que’s hè cara a diferents desfís au long de la soa trajectòria. Ekintzakoop que horneish conselhs de gestion avançada dens aqueths maines: juridic e legau; viabilitat economica e finançament; intercooperacion e escalabilitat; comunicacion e numerizacion.
Coneishença, sistematizacion e recèrca
L’accion que genèra navèras coneishenças e, au còp, aquera coneishença navèra que’ns possa tà l’accion. Que tribalham dens aqueth maine de diferentas faiçons: formacion e sensibilizacion
sus la cultura cooperativa; plans estrategics; e diagnostics territoriaus e sectoriaus.
Com e sus qué tribalham
Dens tots los projèctes suus quaus tribalham, qu’acordam ua grana importància au procès, qui compren las estapas seguentas:
- Analisi
- Huelha de rota estrategica
- Intervencion dirècta e personalizada
- Recèrca en emprenedoria basada sus la practica.
Qu’i a desfís divèrs dens la nosta societat, dens tots los maines de las sobeiranetats. La nosta contribucion que’s concentra principaument suus maines seguents:
- Suenhs a la persona e cooperativas entà tots
- Tecnologia e numerizacion
- Alimentacion
- Comunicacion
- Comunautats energeticas
- Comèrci e ostaleria
Emplec 
Territòri Personas Cooperativisme Comunautats Economia feminista Intercooperacion Acompanhament Procès Temps vivedors Suenh mutuau Pensada critica Emancipacion Hidança Futurs desirables Sobeiranetats Hialats Antiracisme Aprendissatge e educacion Vitas A partir de cada comuna
Emplec Territòri Personas Cooperativisme Comunautats Economia feminista Intercooperacion Acompanhament Procès Temps vivedors Suenh mutuau Pensada critica Emancipacion Hidança Futurs desirables Sobeiranetats Hialats Antiracisme Aprendissatge e educacion Vitas A partir de cada comuna
Economia feminista Intercooperacion Acompanhament Procès Temps vivedors Suenh mutuau Pensada critica Emancipacion Hidança Futurs desirables Sobeiranetats Hialats Antiracisme Aprendissatge e educacion Vitas A partir de cada comuna Emplec Territòri Personas Cooperativisme Comunautats
COOP
Ekintzakoop qu’ei ua cooperativa de dusau grad compausada actuaument de tres cooperativas: Lakari, Talaios e TaPuntu.
Lakari Kooperatiba Elkarte Txikia
Que s’ageish d’ua cooperativa formada per 6 hemnas, situada a Zarautz, creada en 2015, dab la mira de promòver ua alimentacion sana e un modèle de consum durable. Que dispausa d’ua botiga e d’ua cosina e, en mei d’auherir plats cada dia, que prepausa servicis de restauracion personalizats entaus eveniments e que prepara tistèths de present. Qu’ei l’ua de las cooperativas fondatoras d’Olatukoop. Mes Lakari qu’ei mei qu’ua botiga; que participa tanben au conselh de projèctes ligats a la sobeiranetat alimentària, e que participa tant au grop Errigora de la soa localitat com a l’associacion Biolur.
Talaios Kooperatiba
Que s’ageish d’ua cooperativa situada a Orereta-Errenteria, fondada en 2012, compausada de 8 personas, qui desvolòpa hialats en partint de logicas d’autonomizacion collectiva. Que s’especializa dens lo conselh de projèctes cooperatius, lo desvolopament basat sus tecnologias liuras (logiciau e materiau) e la formacion. Qu’ei l’ua de las cooperativas fondatoras d’Olatukoop. En mei de la formacion e deu conselh en tecnologias de la comunicacion, que’s consacra au desvolopament basat sus aisinas de logiciau liure. Despuish 2024, los sons membres que participan a la gestion deu projècte Torrekua d’Errenteria per l’intermediari de l’associacion TEKS, en promovent la sobeiranetat tecnologica.
Tapuntu Kooperatiba Elkarte Txikia
Que s’ageish d’ua cooperativa situada a Usurbil, constituïda en 2015 e compausada de 7 personas. La soa activitat principau qu’ei d’acompanhar enterpresas, institucions e associacions dab ua perspectiva comunicativa e estrategica. En mei, que’s consacra a l’acompanhament estrategic e a la formacion de projèctes e procèsses. La soa auhèrta qu’ei dividida en tres linhas: la comunicacion estrategica, la formacion e l’intercooperacion. Que participa activament a Olatukoop despuish 2016. Qu’ei tanben l’ua de las fondatoras de Beterri Saretuz, associacion qui a per objectiu de promòver l’Economia Sociau Transformadora dens la comarca de Beterri-Buruntza, e de Markalariak, associacion d’agéncias de comunicacion qui tribalhan en basco.
